Tek pidato bahasa sunda _ tentang penyerahan calon pengantin pria

Pidato Bahasa Sunda Penyerahan Calon Pengantin Pria (Contoh)
Assalamu’alaikum warrohmatulloh Wabarokatuh

*Mukadimah pidato, bebas. Atau ini hanya contoh
Alhamdulillah wa syukrulillah wa sholatu wa sallamu ‘ala rasulillah sayyidina wamaulana Muhammadin wa ‘ala alihi wa shahbihi wa mawwalah, amma ba’dah.

Puji kagungan nu maha suci, puja urang sanggakeun kanu maha kawasa Alloh SWT, Alhamdulillah ku kersaning mantena urang tiasa kumpul ngariung di ieu wewengkon, kalayan panyuhun mugia urang sadaya kasinugrahan Rohmah sinareng Barokahna, Amin ya robbal ‘alamin.

Salam sinareng sholawat mugia salawasna dipaparinkeun kajungjunan urang anu mulya ka Habibana Nabiyana Muhammad SAW, kasadayana kulawargana, sadayana sahabatna, Tabi’in Tabi'ut Tabi'in oge kasadayana kanu sami tumut manut kana ajaran mantena kalayan mugia urang sadayana kenging syafaatna engke di-Yaumil Akhir, Amin ya robbal ‘alamin.

Sateuacana simkuring mitutur ku saur, nyarita ku basa. Neda disihapunten tina samudaya kalepatan, sok bilih kirang upami tina sagala rupina oge neda widi anu dipamrih kasadayana wargi, hususna ka sesepuh calon panganten istri miwah kulawargina, ka para Alim Ulama, Ustaz Ustzah, Bapa Ketua RW sinareng jajarana, oge teu hilap hatur nuhun ka panata acara anu parantos maparinan waktos kanggo cumarios ka simkuring.

Dina kiwari wanci anu mustari, mugia ayeuna nincak kana mangsa anu sampurna. Simkuring ngadeg di ieu patempatan kapeto ku Bapa…. (Sebutkan nama Bapak calon pengantin pria), sinareng Ibu…..(Sebutkan nama Ibu calon pengatin pria) anu kawit ti... (Sebutkan daerah/tempat asal calon pengantin pria), Insyaalloh bade nyumponan pasini jangji anu saati, mayar kedal carita anu baheula dina wanci mimiti panggih, antawis Cep… (Sebutkan nama calon pengantin pria) sareng Neng…(Sebutkan nama calon pengantin wanita), mugia dinten ayeuna sing janten waktos anu lugina Bapa sinareng Ibu oge kulawarga sadayana aya dina rido manah wening galih kanggo ngadahupkeun aranjeuna, kalayan mugia urang sadaya tiasa sasarengan nyakseni Ijab Kobul Akad Nikahna.

Salian ti eta, simkuring asmana kulawargi calon panganten pameget, neda disihapunten tina sagalarupina wirehna ti…. (Sebutkan daerah asal tempat tinggal) indit ngaligincing teu jingjing teu bawa estuning sepi ku harti suda kuharta komo ku pangabisa, anu kacandak mung saaya-aya utamana saukur jinisna disarengan du’a mugia lungsur langsar sagalarupina, pinanggih Ridho Alloh SWT, Amin ya robbal ‘alamin.

Mung sakitu anu kapihatur, sateuacana dipungkas ieu carita simkuring sakali deui neda disihapunten tina samudaya kalepatan sinareng kakirangan, bilih aya catur anu teu ka ukur aya pasalia basa nu teu kahaja mugia tawakup anu diseja, malaur simkuring sami jalmi, teu aya anu sampurna. Kajabi anu sampurna mah roko.

*(Ulah heureuy ah ieu mah sugan conto pidato rada sarieus :D sareng singket bilih kabujeng lapar), sugan. Demikian, eehh lepat :D Nyunda ieu mah nya.

*Mangga tutup ku Du’a, anu sakintena kacangkem.

Baarakallaahu laka,wa baaraka 'alaika,wa jama'a baynakumaa fii khair.
Rabbana atina fid-dunya hasanatan wa fil 'akhirati hasanatan waqina 'adhaban-nar
Wallahul muwaafiq ilaa aqwamit thariq.

*Hapunten bilih aya basa anu lepat, kirang merenah atanapi aya nu kirang kahartos, saenggalna wartosan simkuring kanggo disarungsum, hatur nuhun.

Wassalamu'alaikum Warrohmatuloh Wabarokatuh